Ole Mjelstad

Mange av dykk har sikkert fått med dykk at Gatas Parlament skal delta på Melodi Grand Prix med låta “Jobbe litt mindre, tjene litt mere” neste laurdag. Som om ikkje det var nok slepp dei og ein EP på fredag som inneheldt tre låtar frå dei neste albuma deira, inkludert MGP-låta. Det blir fett. Men, til dagens musikk:

Rett før helga dukka denne videoen opp på youtube og på 730.no, i ein litt kortare versjon. Eg har hatt temmelig lange diskusjonar om denne filmen er ekte eller ikkje, og eg trur kanskje eg hellar mot at det ekte. Uansett, eg diggar det og gler meg skikkelig til fredag og laurdag.

SteMGP

Dersom du omgår meg til vanleg, og ikkje berre stalker bloggen min har du nok hørt meg snakke om dette før. Eg er som du kanskje har merka over gjennomsnittet interessert i iPhone-applikasjonar. Derfor kjem nok ein anbefaling frå meg. Denne gongen: Sleep Cycle av Maciek Drejak Labs AB. Sleep Cycle gjer noko så enkelt, men likevel dritfett som å vekke deg på den beste måten som er overhovud mogleg.

Ved hjelp av iPhonens touchscreen, analyserer denne applikasjonen søvnen din og vekker deg når du søv veldig lett. Dette gjer at du vaknar og følar deg meir utkvilt enn om den hylande alarmen din drar deg ut av den djupe søvnen din. Det du gjer er, å sette alarmtida og legge telefonen oppe i hjørnet på senga di. Du stiller inn oppvåkningstida, som er anbefalt på ein halvtime. Det applikasjonen gjer er å finne det tidspunktet i denne halvtimen du er i lettast søvn og vekkar deg då med litt lett klimpring. Digg!

Og det stoppar ikkje der. Ikkje berre kan den vekke deg, den har og mange andre heilt ok superfantastiske, dritkule funksjonar. Du kan sjå ein grafisk framstilling av søvnen din som visar deg korleis du sov den natta, kor lenge og som reknar ut den gjennomsnittlige søvnmengda di. Og dessutan har den eit behageleg bakgrunnslys når du våknar på natta og skal sjekke kva klokka er.

Sånn sov eg for eksempel natt til mandag:

Jepp. Eg sov frå fem over tre til sju. Tre timer og 51 minutter. Det var hardt.

Denne applikasjonen = god søvn.

// Fred ut.

I dette innlegget høyres eg ut som ein bitter mann, med få politiske prinsipp. Og, akkurat når det kjem til dette spørsmålet så er det ikkje så langt frå sanninga. Lat meg forklare:

Sidan ikkje alle begge lesarane mine er like nerd som meg, tenkte eg å byrje dette innlegget med å forklare kva open kjeldekode er for noko. Egentlig er det ikkje så hokus pokus. Vanlege program, som Office-pakka, Photoshop, spela dine, iTunes og Internet Explorer er programmert i eit kryptert kodespråk. Dette betyr at eg ikkje kan sjå kva kodar som gjer at programmet utfører oppgåvene du ber det gjere. Kvifor er dette kjipt spør du kanskje? Vel, det fins ca sju nettlesere og fjorten medieavspelere som stort sett utførar dei same funksjonene. Nettleserane har forskjellige funksjonar og tekniske finurligheitar, men alle tilbyr deg eit produkt som lar deg koble deg til veven og sjå på innholdet som fins der. Medieavspelarane kan alle spele av forskjellige typar lyd og bilete, men med forskjellige begrensingar til filformat og krypteringar. Kor eg vil med dette? Poenget er at det har blitt kasta vekk mange tusen arbeidstimar på å programmere dei same funksjonene, i omtrent same kodespråk, for omtrent same publikum. Hadde det ikkje vore kult om du kunne hente funksjonane frå andre program, dele på kunnskap og samarbeida med andre om å lage eit best mogleg produkt?

Vel, med open kjeldekode kan du det. Open kjeldekode er nettopp det – ope. Du kan når som helst opne kodene til programmet og sjå kva bit av puslespelet som får hjulet til å gå rundt. Stjele, lære og dele – i samarbeid kan menneska utvikle det beste digitale verktøyet til jobben. Egentlig ein ganske god ide, hadde det berre ikkje vore så ubrukelig enkelte gongar.

Sjølvsagt fins det unntak, som Mozilla Firefox eg surfar nettet med og WordPress, bloggplattformen mjelstad.net køyrar på. Likevel har eg eit negativt forhald til fri programvare når det kjem til å bruke det i praktisk arbeid eller fritid.

OpenOffice? Gratis programpakke som inneheldt alle funksjonane til Microsoft Office? Høyres kanskje bra ut, hadde det berre klart å fungert med resten av verda. Det er eit helvete å installere, vanskelig å sette tekstene, omtrent umulig å bruke elementære programelement som lister og paginering – og ikkje minst – lagrar du i feil format kan nesten ingen opne tekstane dine. Har det gjort livet mitt vanskelig? Jepp.

Kva med vektorprogram? Istadenfor å bruke propriære, kjipe Illustrator kan ein jo bruke Inkscape! Og istadenfor å ete middag i morgon kan du gå ut i skogen og ete litt bark. Det vil vere omtrent like nyttig, og gje deg den samme magefølelsen.

Og Linux? Ver så snill, eg vil bruke eit operativsystem, ikkje lage det underveis. Og når du endelig har klart å lære det, kan du jo berre gløyme å ha det gøy. Eller jo, du kan jo få Linux til å late som det er Windows, sånn at du endelig kan skyte hovudet av nokon i CS – men før du kjem dit har du mest sannsynleg gjort det i røynda.

Okei. End rage. Poenget er at eg er veldig glad i open kjeldekode og fri programvare som prinsipp, men har hatt alt for mange vonde opplevelsar til at eg har kasta meg heilt på bølga. Eg har Windows, eg bruker Photoshop og koser meg med dei superkapitalistiske spela mine på XBOX. Etter revolusjonen vil nok dette fungere, men fram til då så gjer eg faen i mine politiske prinsipp.

// Fred ut.

Dagens musikk for søndag er noko spesiell. Istadenfor å anbefale musikk tenkte eg at eg skulle anbefale eit musikkspel. Dersom du er som meg, har du mange gonger ønska at du egentlig var ei stor rappstjerne, med massevis av skillz. Du har og innsett at dette neppe vil skje. Men fortvil ikkje – med DefJam Rapstar til Xbox (og sikkert andre plattformer, look it up) kan du vertfall leve i draumen ei stund til. Sjå for deg Singstar, berre med rapp. Der har du DefJam Rapstar, ikkje meir og ikkje mindre. Det er sinnsjukt kult!

Så derfor er dagens anbefaling at du kjøpar DefJam Rapstar og speler det. Eventuelt kan du høyre på denne spotifylista her.

I går var det nyttårsfeiring i Bergenskollektivet, saman med denne gjengen her:

Frå venstre: Jonas, Fredrik, Meg, (Marte bak meg), Daniel, Ragni, Lone og Aina. I tillegg til Anja som var bak kameraet på dette biletet.

Først åt me biff, soppstuing, kokt blomkål og steikte poteter som meg og Jonas laga. Det var digg.

Etterkvart såg det meir sånn ut:

I dag har eg og Anja vore saman i fire år. Det er superflott. (Og sidan du Anja mest sannsynleg er den einaste lesaren eg har: Eg elskar deg).

//Fred ut.

No nærmer juleferien seg slutten. I dag reiser eg tilbake til Oslo, til vener og bekjente, til raud ungdom. Til kvardagen. Først ventar tidenes beste nyttårsfeiring i Bergenskollektivet, fireårsdag saman med pus og ei siste rolig helg. Men så brakar det laus.

Tidlegare har det å ta juleferie vore enkelt. Det er lett å legge frå seg skulebøker og pensum. Lett å ikkje tenke på skule eller studier. Men det å ta ferie frå sin største lidenskap, hobby og ein av tinga som definerer deg viste seg å vere vanskelig. Eg er som du sikkert har skjønt sentralstyremedlem i RU og jobbar på Kontoret. Heilt sidan eg vart medlem i 2007 har eg jobba med RU i store delar av fritida mi. Når eg byrja i sentralstyret var overgangen frå hobby til arbeid vanskelig.

Det eineste som har vore samanhengande i livet mitt sidan 07 har vore, nettopp, RU. Skular har blitt bytta ut, adressa endra, nye vener har kome til og gamle har falt i frå. Men alltid har eg engasjert meg i klassekampen. Når eg byrja i ny jobb, 1. Juni var det ikkje så lett å slutte å sjå på det som hobby. Eg har enda ikkje klart det, og kjem sikkert ikkje til å klare det heller. Resultatet har vore tallause kveldar på kontoret og lite fritid. Når eg no drog heim til jul, måtte eg difor gå aktivt inn for å slappe av. Trangen til å sjekke epost innimellom pinnekjøt og akevitt klarte eg ikkje å bli kvitt, men ellers har eg lukkast ganske bra.

• Eg har sjeldan lest nettaviser, papiraviser eller sett nyhetene på fjernsyn. Dei få gongene eg har gjort det, har eg berre lest tullenyheter som historia om denne hunden som var redd for helikopteret.
• Den mest politiske diskusjonen eg har deltatt i var ein diskusjon om sjukehusklovnen på Haukeland sjukehus.
• Eg har holdt sosialisering med partifeller til eit absolutt minimum.

Det eg derimot har brukt tid på er:

• Mat. Store mengder ribbe, pinnekjøt, kålrabistappe og godteri er fortært. Det er nesten så eg lagar meg eit idiotisk nyttårsforsett om å byrje å trene eller noko.
• Tid med familien. Byrjar å verte litt lei.
• Søppel-tv. Allslags gode og mindre gode serier og filmar er sett henslengt i sofaen. Blant anna har eg sett heile sesong 1 av How I Met Your Mother som eg og Anja gav søstrene mine til jul. Legen-wait for it, and I hope you’re not lactose intolerante ’cause the next word is-dary.
• Denne bloggen. Det tar tid å slåss med teknikken.
•  iPhone-applikasjonar. Vent dykk fleire anbefalinger for å sei det sånn.
•  Anja. Fordi ho er fin.
•  Sove lenge.

Så no er eg full av overskot og klar for kvardagen. 2011 vert bra.

Ps: Eg har ikkje tenkt å poste eit kleint “Ole oppsummerar 2010″-innlegg, og kjem sikkert ikkje til å blogge før til neste år (hehe). Difor:

// Godt nyttår og fred ut.

I løpet av det året eg har vore så heldig å eige ein iPhone, har eg brukt mange ulike applikasjonar. Mange av dei har vore nyttige og bra, andre har vore fullstendig ubrukeleg, men felles for alle er at ein tross alt hadde klart seg utan. Uansett: her er dei applikasjonane som kan vere nyttig å ha, dersom du på eit eller anna nivå driv med grafisk design eller webdesign.

1. What the font

WhatTheFont av MyFonts er ein veldig nyttig applikasjon for deg som arbeider med skrift. Anten du kjem over ein kul font på ein reklameplakat i byen eller kjem over ei kul nettside når du surfar på telefonen, kan du bruke denne applikasjonen til å finne ut kva fonten heiter og kvar du kan skaffe deg den. Berre ta bilete/skjermskot av skrifta og last den opp på servaren, og få resultatet. NB: Resultatet kan vere varierande. Sørg for å ha klare, lyse og gode bilete så går det nok bra.

2. CliqCliq Colours

Colours av CliqCliq er ein annan nyttig applikasjon som hjelper deg å finne gode fargepalettar. Dersom du ser ein fin fargekombinasjon i naturen, bybildet eller på nettet, kan du ta bilete av dette og få opp fargepalettar. Du kan laste opp palettane på nettet, eller sende dei til deg sjølv som epost. Desse fargepalettane inneheldt blant anna RGB-kodane og HEX-talla, og er derfor lett å bruke anten du arbeidar i Photoshop, eller rett i CSS.

3. Brushes

Brushes, av Steve Sprang er ein applikasjon du kan teikne og male med. Den kan du bruke til alt frå å skisse på ulike idear, til å lage ordentlige kunstverk dersom du er dyktig nok. Skal innrømme at sjølv har eg berre brukt den til å skisse i når eg kjedar meg. Uansett er det ein veldig bra applikasjon som er enkel å teikne i.

4. WordPress

WordPress for iOS, av Automattic er eit enkelt men nyttig verktøy for deg som bloggar med wordpress. Uansett om du har ein wordpress blogg på wordpress.com, eller heldt det ekte og kjørar wordpress på eigen servar, så er WordPress-applikasjonen like lett å sette opp. Når du har satt den opp kan du lese og godkjenne kommentarar, skrive og oppdatere innlegg og redigere dei ulike sidene du har på bloggen. Den inneheldt og geotagging, som gjer det mogleg å vise kvar du er når du bloggar.

Håpar du finn nytte i nokre av desse verktøya.

//Fred ut.

I dag er dag to på mitt eventyr som bloggar. Difor har eg tenkt å lansere ei spalte som eg kallar “Musikk for søndagen”. Her skal eg kvar søndag komme med eit tips til kule låtar, nytt eller gamalt som du kan sjekke ut. Tenkte eg skulle byrje litt omfattande, med å gje tips til tre bra og gratis hipphopp utgjevelsar som er fritt tilgjengelig på nettet.

Side Brok
Først ut er den nyaste kasetten til Side Brok “Det e pina 3 en kasett”. Dette er eit fyrverkeri av ein mixtape, som inneheldt alt frå nyutgjevingar til remixar og gamle perler. Mixtapen har ei lang og glitrande gjesteliste, der blant anna RSP, Pumba, Skolekorps og sjølvaste Elvis Presley figurerer. Denne anbefalast på det varmaste, og kan lyttast på/lastast ned på sidebrok.no

Skolekorps
Den andre på lista er plata “Sandnes for faen!” av rapgruppa Skolekorps. Det byrjar å verte nokre år sidan denne vart gitt ut, men den er framleis god som gull. Skolekorps har dei drøyaste tekstane eg nokonsinne har høyrd i norsk rapp, og er heilt sinnsjukt rå. Plata kan lyttast på/lastast ned her. 

Joddski
Den siste mixtapen på lista, er og utgjeven for omtrent eit år sidan – men er rett og slett for bra til å gå glipp av. Det er sjølvsagt “Bodø state of mind” som inneheldt remixar av kjente låtar som “Empire State of mind” og “Vestkantsvartinga”, i tillegg til nokre egne greier. Den kan lastast ned på kingsize.no.

Så, der har du tre knallgode utgjevingar som du kan høyre på resten av jula.

//Fred ut.

Dette er nok eit forsøk på å starte opp blogginga. Dei av dykk som har vore innom denne sida før, vil legge merke til at alle dei gamle innlegga er fjerna, og at den ser ny og fresh ut. Dette er nettopp fordi eg ønska ein ny og fresh start. Så frå no av kan du vente deg jamnlege oppdateringar frå mitt liv og det eg finn av interesse for å dele med dykk. No har eg brukt heile denne kvelden på å sette opp bloggen på nytt, så eg orkar ikkje skrive noko særleg meir utfyllande i dag. Avsluttar difor med denne avsindig kule låta av rapparane Pumba, Danny, Chiraq og OnklP. Dei køyrer stil!

Dersom du ikkje kjenner meg, kan du lese meir om meg på Om meg og bloggen.

// Fred ut.